ភ្នំពេញ៖ នាយករដ្ឋមន្ត្រីកម្ពុជាសម្ដេចធិបតី ហ៊ុន ម៉ាណែត បានលើកឡើងពីគុណតម្លៃនៃការអភិវឌ្ឍន៍ធនធានមនុស្សជាពិសេសទៅលើការអភិវឌ្ឍន៍ទៅលើគ្រូបង្រៀនដោយថានឹងបានបង្កើនធនធានមនុស្សកាន់តែច្រើនបន្ថែមទៀត។
ពិធីប្រគល់សញ្ញាបត្របរិញ្ញាបត្រអប់រំដល់និស្សិតជាង២០០នាកើ និងសម្ពោធអន្តេវាសិកដ្ឋានគ្រូនៅវិទ្យាស្ថានគរុកោសល្យរាជធានីភ្នំពេញ ព្រឹកថ្ងៃទី៤ ខែកក្កដា ឆ្នាំ២០២៤ សម្ដេចធិបតី ហ៊ុន ម៉ាណែត បានលើកអំពីគុណប្រយោជន៍នៃគ្រូបង្រៀនទៅដល់ប្រទេសជាតិដោយថាគឺជាអ្នកដែលបង្កើតនៅធនធានថ្មីៗបន្ថែមទៀតទៅដល់ប្រទេស។ សម្ដេចក៏បានវាយតម្លៃខ្ពស់លើកិច្ចខិតខំរបស់ក្រសួងអប់រំដែលបានបង្កើនគុណភាពអប់រំនៅកម្ពុជា។
សម្ដេចថា៖ «អញ្ចឹងហើយបានជាការបង្កើនថវិកាធានាភ្ជាប់ជាមួយនឹងសមត្តិកម្ម»។
សម្ដេចបានអបអរជូនទៅដល់ក្រសួងអប់រំដែលបានធានាបាននូវគុណភាពសមាមាត្រជាមួយនឹងការបង្កើតថវិកាពីរដ្ឋទៅដល់ក្រសួង៕
